in Bearbeitig

 Vom ehemalige Solarium zum Lädeli-Kafi in punkto Deko

Nid grad amächelig heds usgseh vo usse....und au nid würklich vo inne!

Uiii, und die Farbe....

Aber das isch mis Glück gsi, sind doch scho 

2 Interessänte vor mir go luege und händ sich degäge entschiede:)

Aber ich han öppis entdeckt und denn grad gwüsst, das isch es!

Eifach charmant, das wird sooo schön!

Und würklich, nach es paar intensive Verhandlige han i Zuesag übercho.

Während em Plane heds öppe mal Änderige gäh, will bim Useriisse vo dene alte Solarium-Wänd immer wieder Überraschends füre cho isch.